Mapeon Lebak!

Binabati ko ang bawat Lebakeño sa bawat tagumpay na ating nakamit. Kayo ang isa sa napakalaking inspirasyon ng aking pamunuan upang pagsilbihan at maibigay sa inyo ang sapat at tapat na serbisyo publiko.

Ang ating pagkakaisa at pagkakaunawaan bilang isang maunlad na bayan ay nagbunga ng kasaganahan para sa lahat. Nakita at nadama natin ang PAGBABAGONG matagal na nating inasam sa mga nakalipas na panahon. Tahimik at ligtas na lugar para mamuhay ang mga magsasaka at mangingisda. Ganap na kapayapaan sa bawat barangay. Saganang pagkain sa hapag kainan ng pamilyang Lebakeño. Marangal na trabaho. Maayos na kalsada at dekalidad na serbisyong panlipunan lalo na sa mga nangangailangan. Iilan lamang ang mga ito sa ating nakamit nang pinili natin ang tapat at tunay na pagbabago.

Sa pagkakataong ito, ituloy natin ang pagbabago. Nananawagan ako sa lahat ng Lebakeño saan mang sulok ng daigdig. Patuloy nating ipakilala na tayo ay bayan ng mga mamamayang tunay na MAPEON!

Maraming Salamat po!